27 სექტემბერს, ზუგდიდის დემოკრატიული ჩართულობის ცენტრში გაიმართა "ჭავჭავაძის ცენტრის" მიერ კონრად ადენაუერის ფონდის მხარდაჭერით გადაღებული დოკუმენტური ფილმების ჩვენება სერიიდან „რამდენიმე სურათი ანუ ეპიზოდი დამოუკიდებელი საქართველოს ისტორიიდან“. ნაჩვენები იქნა ორი ეპიზოდი - “გოჩა ესებუა” და “აკაკი ელიავა”.

ფილმები წარადგინა "ჭავჭავაძის ცენტრის" დამფუძნებელმა ზაზა ბიბილაშვილმა. დისკუსიას უძღვებოდნენ ნინო კალანდაძე, გია ჯაფარიძე.

შეხვედრის მიზანი იყო მეხსიერების თემის აქტუალიზაცია, 90-იანი წლების საქართველოს გახსენება და უახლესი ისტორიის გაკვეთილების შესახებ მსჯელობა.