2025 წლის 17–18 ივლისს ილია ჭავჭავაძის ცენტრმა და ფრიდრიხ ნაუმანის ფონდმა თავისუფლებისთვის გამართეს ჟურნალის „ახალი ივერია“ მეცხრე ნომრის პრეზენტაცია ქუთაისსა და ბათუმში.
ღონისძიებებს ესწრებოდნენ სამოქალაქო საზოგადოების და აკადემიური წრეების წარმომადგენლები. მონაწილეებს შორის გაიმართა საინტერესო და შინაარსიანი დისკუსიები, რომლებიც ჟურნალში წამოჭრილ მნიშვნელოვან თემებს ეხებოდა.
ქუთაისში პრეზენტაციას მასპინძლობდა რესტორანი „ლილესთან“, ბათუმში კი — სასტუმრო „რუმს ბათუმი“.
პრეზენტაციას უძღვებოდა ჟურნალის სარედაქციო გუნდი ზაზა ბიბილაშვილი, შამილ შუგაევი, ნინო კალანდაძე და ქეთი ქურდოვანიძე.
ადგილობრივი სამოქალაქო ორგანიზაციებისა, უნივერსიტეტების წარმომადგენლების და სტუდენტების დაინტერესება კიდევ ერთხელ ადასტურებს ჟურნალის მნიშვნელობას და მის როლს დემოკრატიის დაცვის პროცესში, ასევე თავისუფალი და კრიტიკული აზრის გაძლიერებაში საქართველოში.
