"ვკითხულობთ ერთად" არის ყოველკვირეული შეხვედრების სერია, რომელსაც მასპინძლობს ჭავჭავაძის ცენტრი.  პროექტის მონაწილეები არიან 8 წელზე უფროსი ასაკის ახალგაზრდა მკითხველები, რომლებიც იკრიბებიან ახალი წიგნების წასაკითხად, წიგნიერების უნარების გასავითარებლად და მეგობრული ურთიერთობების დასამყარებლად.

ყოველ შაბათს, ნაშუადღევს, მონაწილეები იკრიბებიან კითხვისა და თავგადასავლების დასაწყებად, რიგრიგობით ირჩევენ საინტერესო ისტორიებს.  ჟანრების, ეპოქებისა და ადგილების დიაპაზონი დიდია:  ქართული კლასიკური ლიტერატურიდან დაწყებული, ბრიტანული საბავშვო ზღაპრებით დამთავრებული. ყველა წიგნი გვაცნობს ახალ ლექსიკას, პერსონაჟებსა და ახალ სამყაროებს.

კითხვისას ჯგუფი აანალიზებს თემებს, განიხილავს პერსონაჟების მოტივებს და ამყარებს კავშირებს ისტორიებს შორის. ახალი სიტყვებისა და მათი მნიშვნელობების გასაგებად, ისინი აწარმოებენ „განმარტებით ლექსიკონს".

მონაწილეები განიხილავენ წიგნებში შეხვედრილ ისტორიულ ფიგურებსა და მოვლენებს. ყველა ისტორია, იქნება ეს როალდ დალის გმირ, მახვილგონიერი მატილდას ისტორია თუ იტალიურ სოფელში საიდუმლოს ამოხსნის ისტორია, ცოცხლდება მონაწილეთა თვალწინ.

ჯგუფს უძღვება ცნობილი ქართველი მწერალი ზაალ სამადაშვილი, რომელიც  შთააგონებს ახალგაზრდა წიგნების მოყვარულებს ახალი ამბების აღმოსაჩენად.

წიგნიერების უნარების ჩამოყალიბების გარდა, პროექტი ხელს უწყობს მონაწილეთა სოციალური უნარების ჩამოყალიბებას. კითხვის სესიებს მუდმივად თან ახლავს სიცილი და იუმორი. დისკუსიების პროცესში ხდება ხედვების ურთიერთგაცვლა და  ყალიბდება მეგობრული ურთიერთობები.

პროექტი „ვკითხულობთ ერთად“ხორციელდება საქართველოს უნივერსიტეტის მხარდაჭერით.