საჯარო ლექცია და სემინარი თემაზე "საერთაშორისო ურთიერთობები და საქართველოს საგარეო პოლიტიკა"
16 ივლისს, პროექტის "საღი აზრი: სამოქალაქო საზოგადოება პოლიტიკის პირისპირ" ფარგლებში ჭავჭავაძის ცენტრმა გამართა მორიგი საჯარო ლექცია და სემინარი თემაზე "საერთაშორისო ურთიერთობები და საქართველოს საგარეო პოლიტიკა", ასევე სპეციალური ტრენინგი მოლაპარაკების ხელოვნებაში, სიმულაციური როლური თამაშით. ღონისძიებას დაესწრო 60-ზე მეტი მონაწილე. სესიებს უძღვებოდნენ ზაზა ბიბილაშვილი, გია ჯაფარიძე და ნინო კალანდაძე, ხოლო ტრენინგს მოლაპარაკების ხელოვნებაში უძღვებოდა თამთა კუპრაძე, დიპლომატი, სტრატეგიული კომუნიკაციების სპეციალისტი, ტაფტის უნივერსიტეტის ფლეჩერის სკოლის კურსდამთავრებული. პროექტი ხორციელდება კონრად ადენაუერის ფონდის სამხრეთ კავკასიის ბიუროს მხარდაჭერით. ჭავჭავაძის ცენტრი მადლობას უხდის საქართველოს უნივერსიტეტს მხარდაჭერისთვის.
