"ვკითხულობთ ერთად" - მეხუთე შეხვედრა
რევაზ ინანიშვილის მოთხრობა "ბიჭები" წავიკითხეთ და შევიტყეთ რომ ბუნებასაც გაბრაზება სცოდნია - მოღრუბლვა, ქარის ამოვარდნა, თოვლის წამოყრა და ყოველივე ეს მაშინ, როცა მას უდიერად ექცევიან, ყურად არ იღებენ გაფრთხილებას და მწვანე ადგილების გაუდაბურების შესახებ მოსმენილი ამბების საპასუხოდ ცულებით წამოქცეულ ხეს ფოთლებს ასხიპავენ შინიდან წამოყვანილი თხებისა და ძროხების გამოსაკვებად.
"მატილდაც” არ დაგვვიწყებია, მისი მორიგი ხრიკისადმი მიძღვნილი თავი წავიკითხეთ და ბევრი ვიცინეთ დამფრთხალ მისტერ ვორმვუდის ქცევაზე, როცა ის წიგნის დახევისთვის ისჯებოდა ბუხრის საკვამურში გადამალული მოლაპარაკე თუთიყუშის დახმარებით.
ჩვენ განმარტებით ლექსიკონსაც შევმატეთ სიტყვები და უკვე ოცდაორი მივითვალეთ "აბგის", "ალღოსა" და "ბურუსის" ჩაწერის შემდეგ.