დისკუსია გორში, თემაზე - “დეოკუპაციამდე დარჩა..“
“დეოკუპაციამდე დარჩა..“ - ამ სადისკუსიო თემით ჭავჭავაძის ცენტრის წარმომადგენლები გორში ახალგაზრდებს შეხვდნენ.
დისკუსია 7 აგვისტოს, რუსეთ- საქართველოს ბოლო ომის დაწყებიდან 12 წლის შემდეგ, EECMD-ის ოფისში, ჭავჭავაძის ცენტრის პროექტის „აგორა - სადისკუსიო კლუბი“ ფარგლებში გაიმართა.
დისკუსიაში მონაწილეობდნენ: ზაზა ბიბილაშვილი, ჭავჭავაძის ცენტრის დამფუძნებელი, ნინო კალანდაძე, ჭავჭავაძის ცენტრის დირექტორი, მარიამ გერსამია, პროფესორი (თსუ), ცენტრის უფროსი მკვლევარი, გია ჯაფარიძე, პროფესორი (საქართველოს უნივერსიტეტი), ცენტრის უფროსი მკვლევარი, არინა თავაქარაშვილი, სულხან- საბა ორბელიანის უნივერსიტეტის პროფესორი
„აგორა“ მიზნად ისახავს აქტიური მოქალაქეების, ახალი აზრის ლიდერებისა და სამოქალაქო აქტივისტების გაძლიერებას.
უკვე მერვე თვეა „აგორაზე“ იმართება ე.წ. Thinkathon-ი. ამ ფორმატში, სადაც მონაწილეები ინტერაქციულ რეჟიმში მსჯელობენ და წარმოადგენენ შემოთავაზებულ საკითხებზე პრობლემის გადაჭრის გზებს.
პროექტი ხორციელდება კონრად ადენაუერის ფონდის სამხრეთ კავკასიის ბიუროს მხარდაჭერით
