19 ნოემბერს, გარდაბნის ახალგაზრდულ ცენტრში გაიმართა მორიგი კინოჩვენება და დისკუსია. ნაჩვენები იქნა ჭავჭავაძის ცენტრის ორი ფილმი სამოქალაქო მეხსიერებაზე. კინოჩვენებას ესწრებოდნენ მოსწავლეები გარდაბნის სხვადასხვა სკოლებიდან. ამჯერად ჩვენი სტუმრები იყვნენ ზურაბ ერისთავი და ნინო ერემაშვილი.

 

მესამე წელია, პროექტს „ახალგაზრდები მართლმსაჯულებისთვის ზაზა ბიბილაშვილთან ერთად“ ილია ჭავჭავაძის ცენტრი ჰოლანდიური #D66-ისა და #IDI-ის მხარდაჭერით ახორციელებს. ამ პერიოდში, საქართველოს რეგიონებსა და საგანმანათლებლო დაწესებულებებში მოქალაქეობისა და მართლმსაჯულების თემაზე ათეულობით კინოჩვენება და დისკუსია გაიმართა. პროექტის ფარგლებში ცენტრი თანამშრომლობს უმაღლეს საგანმანათლებლო დაწესებულებებთან, კერძო და საჯარო სკოლებთან, ასევე - ადგილობრივ არასამთავრობო ორგანიზაციებთან.