„ვკითხულობთ ერთად“ პროექტის პირველი ეტაპი დაიწყო
დადგა 23 სექტემბერი, შევიკრიბეთ და როგორც მოწესრიგებულ ხალხს შეეფერება, ზუსტად ორ საათზე შევუდექით საქმეს.
ჯერ ერთმანეთი გავიცანით, მერე წასაკითხი წიგნები ჩამოვთვალეთ, ჩემი აზრით, ერთიმეორეზე უკეთესები, ზოგიერთების მიხედვით ფილმებიც რომ არის გადაღებული და პირველივე შეხვედრაზე ძალიან რომ არ დავღლილიყავით, შედარებით მოკლე და სახალისო მოთხრობები შევარჩიეთ მოსასმენად. დონალდ ბისეტის კრებულის, "ყველაფერი ყირამალას" კითხვაში ერთი საათი ისე გავიდა, ვერც კი გავიგეთ. მომავალ შაბათამდე გამოვემშვიდობეთ ერთმანეთს და ძველი სახლის მყუდრო ოთახს ახვლედიანის ქუჩაზე.