ერთობლივი საჯარო ლექცია ენობრივი პოლიტიკისა და პოლიტიკური დისკურსის შესახებ საქართველოში
ილია ჭავჭავაძის სახელობის ევროპული კვლევებისა და სამოქალაქო განათლების ცენტრმა კავკასიის უნივერსიტეტის საქართველოს შემსწავლელ საერთაშორისო კვლევით ცენტრთან ერთად უმასპინძლა საჯარო ლექციას თემაზე „ენობრივი პოლიტიკა და პოლიტიკური დისკურსი: საქართველოს მაგალითი" 2025 წლის 25 ივნისს.
ლექცია ჩაატარა კავკასიის უნივერსიტეტის პროფესორმა, ფილოლოგიის დოქტორმა მარიამ მანჯგალაძემ. ლექციას ესწრებოდნენ სტუდენტები, ლექტორები და საკითხით დაინტერესებული მოწვეული სტუმრები. ღონისძიება გაიმართა ინტერაქტიული დისკუსიის ფორმატში და წარმოადგენდა კავკასიის უნივერსიტეტის საქართველოს შემსწავლელი საერთაშორისო კვლევითი ცენტრის მიერ ორგანიზებული საჯარო ლექციებისა და სამეცნიერო დისკუსიების მიმდინარე სერიის ნაწილს საქართველოსთან დაკავშირებულ სხვადასხვა აქტუალურ საკითხებზე.
